Жаргалант сумын Бичигт багийн нутаг дэвсгэрт байрлах
"Төвлөрсөн хогийн цэг"-т хог шатаж ойролцоох айл өрх, аж ахуйн нэгж, байгаль орчинд аюул учирч болзошгүй нөхцөл байдал үүссэн тул аюулгүй болгожээ.
Тодруулбал:
Жаргалант сумын онцгой Комисс хуралдаж, хурлын шийдвэрээр аймгийн Онцгой байдлын газарт хүсэлт гарган, 05-р сарын 12-ны өдөр галын тархалтыг зогсоосон байна.
Жаргалант сумын Засаг дарга бөгөөд Ховд хотын захирагч Б.Амартүвшин:
Хогоо хаяхдаа шатаахгүй байхыг иргэдээс хүссэн байна. Үүнээс гадна:
-Бусдын буруугаас гарах галын аюулын эрсдэл, хор уршгийг бусдад таниулж ойлгуулах
-Урьдчилан сэргийлэх мэдээ мэдээллийг олон нийтэд хүргэж ажиллахыг багийн Засаг дарга нарт үүрэг болгожээ.
Цаашид хогийн цэгийн хяналтыг сайжруулж, хог шатаасан иргэн, ААН-үүдэд хуулийн дагуу торгох, шийтгэх арга хэмжээ авч, хариуцлага тооцож ажиллахаа илэрхийлсэн байна.
