”Дэлхийн Зөн Монгол” байгууллага нь АНУ-ын Төрийн департаментын санхүүжилтээр FHI 360 байгууллагатай хамтран ”Халдварт болон зоонозын өвчний дэгдэлтийг тогтвортой хянахад дэмжлэг үзүүлэх” төслийг аймгийн ЗДТГ-тай хамтран хэрэгжүүлж байна.
Энэ оны гуравдугаар сараас эхлэн хэрэгжүүлж буй төслийн хүрээнд:
Монгол Улсын Шадар сайдын 2023 оны 28 дугаар тушаалын З дугаар хавсралтаар батлагдсан ”Болзошгүй гамшиг, осол, нийгмийн эрүүл мэндийн ноцтой байдлын үеийн тохиолдлын удирдлагын тогтолцоо, хариу арга хэмжээг шуурхай зохион байгуулах журам”-ын 3.5.5 дахь заалтыг үндэслэн аймгийн түвшний ”Эрсдэлийн Харилцаа Холбоо"-ны (ЭХХ) багийг аймгийн Засаг даргын захирамжаар байгуулсан.
Тухайн багийн чадавхыг бэхжүүлэх зорилгоор тэргүүлэх зоонозын өвчин тодорхойлох, стандарт үйл ажиллагааны журам танилцуулах сургалт, уулзалт зохион байгуулж байна.
Тавдугаар сарын 11-1З-ны өдрүүдэд Ховд аймагт зохион байгуулж буй сургалтад Ховд, Баян-өлгий аймгийн холбогдох байгууллагын удирдлага, мэргэжилтнүүд оролцож байна.
