Жаргалант сумын Цаст-Алтай сургуулийн суралцахуйд суурилсан
“ЦАХИМ ХӨТӨЧ” Мэргэжлийн багш нарын бүлгийн багш нар 12 дугаар ангийн сурагчдаас
“Элсэлтийн шалгалтын урьдчилсан их сорилго” авлаа.
“ЦАХИМ ХӨТӨЧ” МБНБ-ийн багш нар нь Ховд аймгийн Боловсролын газраас зохион байгуулж буй “ЭШ-80” аяны хүрээнд уг ажлыг санаачлан зохион байгуулав.
Энэхүү үйл ажиллагаа нь:
-Элсэлтийн шалгалтын үеийн орчин бүрдүүлж сурагчдын сэтгэл зүйг бэлдэх,
-Элсэлтийн шалгалт өгөх сурагчдын ахиц амжилтад дүн шинжилгээ хийх,
-Сурагчдыг элсэлтийн шалгалт өгөхдөө хариултын хуудас бөглөх механик алдаа гаргахаас сэргийлэх,
-МБНБ-ийн үйл ажиллагааг сургуулийн болон аймгийн Боловсролын газрын үйл ажиллагаатай уялдуулах зорилготой.
Үүнээс гадна ЭШ-ын сорилын хариултын хуудсыг remark officce programm-аар уншуулан засаж, үр дүнгийн анализ хийн, ахиц амжилтыг нь үнэлж байгаагаараа онцлог байлаа.
Тус
“Элсэлтийн шалгалтын их сорилгод” долоон судлагдахууны хүрээнд давхардсан тоогоор 322 сурагч хамрагдлаа.
Улмаар судлагдахуун тус бүрээр сурагчдын ахиц амжилтыг үнэлж, хичээл тус бүрээр эхний байр гурав, хамгийн өндөр ахицтай нэг сурагч, нийт 28 сурагчийг сургуулийн захиргаатай хамтран шагнаж урамшуулав.
