"Хүнсний аюулгүй байдал-Дотоод хяналт" сургалтад 14 сумын хүнсний үйлдвэрлэл эрхлэгч, хоол үйлдвэрлэл, үйлчилгээ эрхлэгч, хүнсний худалдаа үйлчилгээ эрхлэгч 120 гаруй иргэн, аж ахуйн нэгжүүдийн төлөөлөл оролцлоо.
Энэхүү сургалтаар хүнсний аюулгүй байдлын талаар мөрдөгдөж буй хууль эрх зүйн орчин, үйл ажиллагаандаа дотоодын хяналт шалгалтыг хэрхэн хийх талаар арга зүйн мэдлэг олгох, дадлага ажлыг мэргэжлийн сургагч багшийн удирдлага дор явуулснаараа онцлог, үр дүнтэй боллоо гэж зохион байгуулагчид дүгнэж байна.
Сургалтад оролцогчдод аймгийн Мал эмнэлгийн газар, Эрүүл мэндийн газар, Стандарт хэмжил зүйн хэлтэс зэрэг байгууллагуудаас хүнсний аюулгүй байдлын чиглэлээр хийж хэрэгжүүлж байгаа ажлын товч мэдээллийг өглөө. Мөн оролцогчдын сонирхсон асуултад хариулт өгч, санал солилцлоо.
Сургалтад оролцогчдоос сургалтын хэрэгцээ шаардлагыг тодорхойлох, сургалтын үр дүн, сэтгэл ханамжийн судалгаа авч ажиллалаа гэж аймгийн Хүнс хөдөө аж ахуйн газраас мэдээллээ.
