Ирэх дөрвөн жилд баялаг бүтээгчид, хувийн хэвшлийнхийг дэмжиж ажиллахаар А/01 тоот захирамж гаргаж, албан байгууллагын удирдлагуудтай уулзах үеэрээ хувийн хэвшил, баялаг бүтээгчдийг дэмжих чиглэлээр гаргасан захирамжийг хэрэгжүүлэхэд анхаарч хамтран ажиллахыг ч мөн зөвлөж, чиглэл өгсөн.

Үүнтэй холбогдуулан өнөөдөр /2024.11.21/ аймгийн ИТХ-ын дарга З.Эрхбаяр, Засаг дарга М.Амарсанаа, Засаг даргын орлогч Э.Уртнасан нар Ховд аймагт үйл ажиллагаа явуулж байгаа банкны салбарын удирдлагуудтай уулзлаа.

Уулзалтаар банкны салбарын удирдлагууд, эдийн засагч нартай уулзаж, хувийн хэвшлийг дэмжихэд хэрхэн хамтран ажиллах талаар санал солилцов. Аймаг орон нутгаас бизнес эрхлэгчдийг дэмжих чиглэлээр гаргах аливаа шийдвэрийг арилжааны банкнууд дэмжин хамтран ажиллах боломжтой гэдгээ илэрхийллээ.



Аймгийн Засаг даргын Тамгын газраас “Ажлын хэсэг” байгуулж, тодорхой судалгаа хийж, төлөвлөгөө боловсруулах юм.

Ховд аймагт Монгол банк, Хаан банк, Хас банк, Төрийн банк, Капитрон банк, Голомт банкны салбар, харьяа 46 нэгж үйл ажиллагаа явуулж байна.