УИХ-ын гишүүн С.Бямбацогт орон нутагт ажиллах үеэрээ аймгийн ЭМГ, БОЭТ, Жаргалант сумын 6 өрхийн эрүүл мэндийн төв болон хөдөөгийн 16 сумын эрүүл мэндийн төвийн төлөөлөлтэй уулзав.



Энэ үеэр эрүүл мэндийн салбарын 2021 оны ажлын тайлан, хийж хэрэгжүүлж буй ажил, салбарын өнөөгийн нөхцөл байдлын талаар мэдээлэл сонслоо.



Мөн эрүүл мэндийн салбарт тулгамдаж буй асуудлын талаар санал солилцож, эрүүл мэндийн салбарыг хөгжүүлэх, дэмжих чиглэлд анхаарч ажиллана гэлээ. 

Энэ үеэр эх нярай, эмэгтэйчүүдийн тусламж үйлчилгээ үзүүлэхэд шаардлагатай нярайн шарлалт хэмжигч, хүүхдийн даралтын аппарат, амьсгал тоологч, зэрэг 13 нэр төрлийн тоног төхөөрөмж, өрхийн эрүүл мэндийн төв болон сумын эрүүл мэндийн төвүүдэд 93 ширхэг суурин компьютер, хүчил төрөгч өтгөрүүлэгч аппарат, “Ротори клуб”-аас нийлүүлэгдсэн өвчтний монитор, тэргэнцэр, эмнэлгийн эмч ажилчдын нэг удаагийн хамгаалах хувцас зэрэг нийт 312.0 сая төгрөгний эмнэлгийн тоног төхөөрөмжийг хүлээлгэн өглөө.