-Аргын тооллын 6 сарын 14. Даваа (Сумьяа) гараг (2021)

-Билгийн тооллын шинийн 4, харагчин могой, найралт эх-7 од, суудал уул, мэнгэ 5 шар, үхэхийн барилдлагатай өдөр. Дашнямтай өдөр.

-Өдрийн нар ургах/шингэх цаг: 04:52-20:52.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хүний сүлд бэлхүүс, нууцын оронд, гэрийн сүлд үүд, хойморт орших болой.

-Үс засуулахад баян ноён болох, бие, эрхтний хүч сайжрах сайн. Гэвч гахай, луу жилтнээ муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

-Үхэр, тахиа, могой, нохой жилтнээ аливаа үйлийг хийхэд эерэг сайн. Харин гахай жилтнээ сөрөг муу.

-Өлзий хутгийн өдөр тул аливаа үйлд маш сайн. Буяны үйл, үйлс эхлэн, хишиг даллага авах, гэр байшин барих, бэр буулгах, хуврага тойн болох, эд мал авах зэрэгт буян хишиг нэмэх нэн сайн.

-Зурхайч лам Д. Цогтбаатар