-Аргын тооллын 2 сарын 1. Даваа (Сумьяа) гараг (2021)

-Билгийн тооллын 19, цагаан луу, харцага-11 од, суудал гал, мэнгэ 3 хөх, үл зохилдохын барилдлагатай өдөр.

-Өдрийн нар ургах/шингэх цаг: 08:19-17:52.

-Өдрийн сайн цаг: Луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40), бар(03:40-05:40) болой.

-Хүний сүлд бугуй, шилбэ, ууц, нууцын оронд байрлах тул мэс бүү хүргэ.

-Үс засуулахад бодийн төрөл олох, сайн хүнтэй учирна сайн. Гэвч нохой, луу жилтнээ цээрлэвэл зохилтой.

-Хол газар явагсад урд зүгт мөрөө гаргавал зохистой.

-Бич, хулгана, луу жилтнээ аливаа үйлийг хийхэд эерэг сайн. Харин нохой жилтнээ сөрөг муу.

-Хишиг даллага авах, эм найруулах, хөрөнгө исгэх, архи нэрэх, сүм хийд босгох, хурим хийх, гэр байшин барих, сан тавих, хот байгуулах, ном айлтгаж заалгах, дээдэст бараалхах, буяны үйл, зэтгэрийг номхтгох, шүтээн босгох, тооцоо хийх, мэргэ төлгө тавих, андгай тангарагаас няцах, дайсныг номхруулах үйлд сайн. Цэрэгт мордох, онгоц, сал, модон тээрэм урлах, гүүр барих, хануур төөнүүр хийлгэх, газар малтах, оёх шидэх, эсгэх, эхэлж ном сонсох, замд гарах, шинэ хувцас өмсөх, эд юм өгөх, бэрийн үйл, үхэгсдийн үйл, мал худалдахад муу. Лусын үүд дэлгэрдэгч балин бүү гарга.

-Зурхайч лам Д. Цогтбаатар