-Аргын тооллын 4 сарын 3. Лхагва (Буд) гараг/ 2019 /

-Билгийн тооллын 28, цагаан морь, шувуун хошуут-24 од, төмөр суудал, 7 улаан мэнгэ, үхэхийн барилдлагатай өдөр. Их хар өдөр.

-Өдрийн нар ургах/шингэх цаг: 06:28-19:24

-Өдрийн сайн цаг: Морь(11:40-13:40), бич(15:40-17:40), тахиа(17:40-19:40), хулгана(23:40-01:40), үхэр(01:40-03:40), туулай(05:40-07:40) болой.

-Хол газар явагсад баруун урд зүгт мөрөө гаргавал зохистой.

-Үс бүү засуул хэрүүл, тэмцэл ирэх машид муу.

-Бар, нохой, гахай, хулгана жилтнээ аливаа үйлийг хийхэд эерэг сайн. Харин хулгана, могой, морь жилтнээ сөрөг муу.

-Эд юм бүтээх, бичиг зурхай зурах, худалдаа хийх, сүмийн тахил тахилга засах, өөрийн амьдралд тустай ажил, нууц зөвлөгөөн хийх, бурханд залбирах, нөхрийг эрэх, хаад ноёд, ихэс дээдэст тангараг, амлалт гаргах, адгуус муулах үйлд сайн. Байр сууц тохижуулах, гэр барих, засах, морь худалдах, уралдуулах, улаан идээ авах, хатуу үйл ажил хийх, лам болох, ном сонсох, гадагш өгөх, хөрөнгө исгэх, үр цацах, үхэгсдийн үйл, бэрийн үйлд муу. Үр таслах дэлгэрдэгч үхэгсдийг бүү тавь.

-Зурхайч лам Д.Цогтбаатар. 

-Аргын тооллын 4 сарын 2. Мягмар (Ангараг) гараг / 2019 /

-Билгийн тооллын 27, шарагчин могой, чөдөр-23 од, шороо суудал, 8 цагаан мэнгэ, түлэхийн барилдлагатай өдөр.

-Өдрийн нар ургах/шингэх цаг: 06:30-19:22

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хол газар явагсад баруун зүгт мөрөө гаргавал зохистой.

-Үс засуулбал сэтгэл амгалан өлзийтэй сайн. Гэвч гахай, бич, тахиа, могой, морь жилтнээ цээрлэвэл зохилтой.

-Үхэр, могой, морь жилтнээ аливаа үйлийг хийхэд эерэг сайн. Харин гахай, бич, тахиа жилтнээ сөрөг муу.

-Хөрөнгө оруулах, дайнд ялах, дайсан дарах, номхтгох, цэргийн ба догшин үйл хэрэг, худалдаа хийх, балгас эвдэх, шинэ ноён тавих, захиран тушаах ажил, мал гадагш гарах, газар лусын зан үйл, тахил хийх, нүүдэл хийх, цэрэг хөдөлгөх, зээл авах, хатуу үйл үүсгэвэл сайн. Элдэв сайн үйлийг эхлэн үүсгэхийг тэвчвээс зохистой. Мод таслах, газар малтах, эм найруулах, үхэгсдийн үйл, ус хааж бөглөх, бэрийн үйл, худалдаа хийх, заргалдах, мөр гаргах, морь худалдах, замд гарах, анд бололцоход муу. Эр хүн хэрэг чирэгдэлд холбогдохоос болгоомжилж явах ёстой. Хүн мал амгалангүй тул хичээн сэрэмжлэх хэрэгтэй. Түшмэл, хутганы өдөр дэлгэрдэгч хутга бүү хурцал.

-Зурхайч лам Д.Цогтбаатар. 

-Аргын тооллын 4 сарын 1. Даваа (Сумьяа) гараг/ 2019 /

-Билгийн тооллын 27, шар луу, тооно-22 од, гал суудал, 9 улаан мэнгэ, рашааны барилдлагатай өдөр.

-Өдрийн нар ургах/шингэх цаг: 06:32-19:21

-Өдрийн сайн цаг: Луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40), бар(03:40-05:40) болой.

-Хол газар явагсад урд зүгт мөрөө гаргавал зохистой.

-Үс засуулбал сэтгэл амгалан өлзийтэй сайн. Гэвч нохой, луу жилтнээ цээрлэвэл зохилтой.

-Хулгана, бич, луу жилтнээ аливаа үйлийг хийхэд эерэг сайн. Харин нохой жилтнээ сөрөг муу.

-Үхэгсдийн үйл, хөрөнгө оруулах, хишиг даллага авах, эм найруулах, лус ба тэнгэр тахих, архи нэрэх, сүм хийд босгох, хурим хийх, тариа тарих, гэр байшин барих, сан тавих, ном айлтгаж заалгах, дээдэст бараалхах, буяны үйл, зэтгэрийг номхтгох, шүтээн босгох, тооцоо хийх, мэргэ төлгө тавих, насны хүчийг арвижуулах, усан засал, садан бололцох, худалдаа хийхэд сайн. Цэрэгт мордох, модны үйл, гүүр барих, хануур төөнүүр хийлгэх, газар малтах, оёх шидэх, эсгэх, эхэлж ном сонсох, замд гарах, шинэ дээл өмсөх, эд юм өгөх, анд бололцох, бэрийн үйлд муу. Лусын үүд дэлгэрдэгч балин бүү гарга.

-Зурхайч лам Д.Цогтбаатар.