Ховд аймгийн хөшөөтийн уурхайгаас 20-30 м-ийн зайд Цэцэг сумын Хөшөөт баг байрладаг байна. Уурхайн үйл ажиллагаанаас шалтгаалан тэнд оршин сууж байгаа 200 гаруй өрхийн 1500 орчим иргэдийн эрүүл аюулгүй орчинд амьдрах эрх зөрчигдсөөр өдийг хүрчээ. Тэгвэл Ховд аймаг болон Моэнко ХХК-ний 2017-2020 онд хамтран ажиллах гэрээнд заасны дагуу тосгоныг нүүлгэн шилжүүлэх, суурьшуулах ажлын хэсэг байгуулагдаж улмаар 2019 он гэхэд тосгоныг бүрэн нүүлгэн шилжүүлэхээр болсон байна.