Ховд аймгийн цаг үеийн нөхцөл байдал, байгууллагуудын авч хэрэгжүүлж буй арга хэмжээ, үйл ажиллагааны талаар мэдээлэл солилцох, байгууллагуудын уялдаа холбоог сайжруулах зорилгоор “Аймгийн удирдах ажилтнуудын шуурхай зөвлөгөөн”-ийг 04 дүгээр сарын 12-ны өдөр Нутгийн удирдлагын ордны хуралдааны их танхимд зохион байгууллаа.Шуурхай зөвлөгөөнийг аймгийн Аймгийн Засаг дарга Д.Галсандондог, аймгийн Засаг даргын Тамгын газрын дарга Б.Ганболд нар удирдан явуулсан бөгөөд 95 байгууллагын удирдах ажилтнууд оролцохоос 67,3 хувийн ирцтэй хуралдав.



ВИДЕО:

Шуурхай зөвлөгөөний үеэр аймгийн цаг үеийн нөхцөл байдал, мал төллөлт, "Цэвэрч Ховдчууд" болзолт уралдаан, Жаргалант сумын цэцэрлэгжүүлэлт, тохижилт, хог хаягдал, мод тарих ажлын талаар холбогдох удирдлагууд мэдээлэл хийлээ. Тухайлбал: Ховд аймгийн Ногоон хөгжлийн хөтөлбөрийг хэрэгжүүлэх ажлын хүрээнд хүний эрүүл мэнд, сэтгэл зүй, амьдрах таатай орчныг бүрдүүлэх, иргэн, аж ахуйн нэгж, байгууллагын нийгмийн хариуцлагыг өндөржүүлэх, сумын нутаг дэвсгэрт өнгө үзэмжийг сайжруулах зорилгоор “Цэцэрлэгжүүлэлт, Ойжуулалт, Тохижилт” бүтээлч ажлын уралдааныг 2018 оны 4 дүгээр сарын 12-ны өдрөөс 9 дүгээр сарын 12-ны өдөр хүртэлх хугацаанд зарлалаа.Энэ үеэр аймгийн Засаг дарга Д.Галсандондог: аймгийн хэмжээнд нийтийн эзэмшил, орон сууц, гэр хорооллын гудамж талбайг тохижуулах, цэвэрлэх, байгууллага бүр өөрсдийн эргэн тойрны ногоон байгууламжийг нэмэгдүүлэх, гадна талбайн өнгө үзэмжийг сайжруулахад анхаарч ажиллахыг уриалав.

Мөн Монгол улсын хэмжээнд зүүн, төвийн, хангайн аймгуудад малын гоц халдварт шүлхий өвчин гарч, тархалт ихэссэнтэй холбогдуулан уг өвчнөөс урьдчилан сэргийлэх, малын удмын сан, эрүүл мэндийг хамгаалах зорилгоор Ховд аймгийн Засаг даргын 2018 оны 3 дугаар сарын 26-ны өдрийн 01 дугаар албан даалгаврыг хэрэгжүүлэх ажлын хүрээнд энэ оны 3 дугаар сарын 30-ний өдөр Ховд, Говь-Алтай аймгийн хил зурвас “Дундын овоо” гэдэг газарт пост байгуулсан байна. Уг постонд 5 ээлжээр нийт 25 хүн ажиллаж байгаа бөгөөд 5 дугаар сарын 20-ны өдөр хүртэлх хугацаанд ариутгал, халдваргүйжүүлэх ажлыг зохион байгуулах юм.