Талуудын нийгмийн хариуцлагын хүрээнд орон нутагт тогтвортой хөгжлийг дэмжих тэр дундаа Монгол Улсын баруун бүсийн эрүүл мэндийн үйлчилгээний чанар, хүртээмжийг сайжруулах зорилготойгоор "Хамтран ажиллах санамж бичиг" байгуулав. 

"Хамтран ажиллах санамж бичиг"-т аймгийн Эрүүл мэндийн газрын даргын албан үүргийг түр орлон гүйцэтгэгч Б.Сүхнаран, Халзан бүрэгтэй хөгжлийн сангийн Гүйцэтгэх захирал А.Пүрэвжаргал нар гарын үсэг зурлаа.

-Ажилчдыг эрүүл мэндийн урьдчилан сэргийлэх үзлэгт хамруулах, гэнэтийн ослын үед яаралтай эмнэлгийн тусламж үйлчилгээ үзүүлэх,

-Нийгмийн эрүүл мэндийг сайжруулах хүрээнд олон нийтэд чиглэсэн эмнэлгийн тусламж, үйлчилгээ үзүүлэх,

-Сэдэвчилсэн судалгаа шинжилгээ хийх, үр дүнг олон нийтэд танилцуулах,

-Эрүүл мэндийн чиглэлээр боловсрол олгох, мэдээлэл түгээх нөлөөллийн аяныг өрнүүлэх,

-Эмчилгээ, сувилгааг сум, багийн эмнэлгүүдэд хүртээмжтэй байлгахад дэмжлэг үзүүлэх зэргээр өргөн хүрээнд хамтран ажиллахаар тусгажээ.

Бид уг хамтын ажиллагаагаараа Баруун бүсийн эрүүл мэндийн салбарт шинэ боломжуудыг нээж, олон нийтэд чиглэсэн үр дүнтэй төсөл, хөтөлбөрүүдийг хэрэгжүүлэхийг Халзан бүрэгтэй төслийг хэрэгжүүлэгч МНРИК ХХК-иас зорьж байна.