Аймгийн Засаг дарга, Хүүхдийн төлөө зөвлөлийн дарга М.Амарсанаа Норвегийн тусламжийн байгууллагын суурин төлөөлөгч Юустэйн Намсватн, Иргэний нийгмийн хамтын ажиллагааг бэхжүүлэх төслийн удирдагч Б.Баярмаа нартай уулзлаа.
Уулзалтын үеэр Норвегийн тусламжийн байгууллагаас өнгөрсөн хугацаанд хэрэгжүүлсэн төсөл, цаашдын хамтын ажиллагааны талаар санал солилцов.
Норвегийн тусламжийн байгууллага нь 2008 оноос хойш Ховд аймагт үйл ажиллагаа явуулж эхэлсэн. Түүнээс хойш 17 жилийн хугацаанд хүүхдийн эрүүл мэнд, боловсрол, хөгжил, хамгааллын чиглэлээр үр дүнтэй олон төсөл, хөтөлбөр хэрэгжүүлсэн байдаг.
Тэгвэл 2027 оноос мөн хүүхдүүд тэр дундаа Хөгжлийн бэрхшээлтэй хүүхэд, тэдний эцэг эхчүүдэд чиглэсэн төслийг таван жилийн хугацаатай хэрэгжүүлэхээр бэлтгэл хангаж байна.
Энэхүү төслийг хамтран хэрэгжүүлэхэд оролцох иргэний нийгмийн байгууллагыг чадавхжуулах төслийг 2025-2026 онд хэрэгжүүлэхээр төлөвлөжээ.
Аймгийн Засаг дарга, Хүүхдийн төлөө зөвлөлийн дарга М.Амарсанаа:
Норвегийн тусламжийн байгууллагаас
“Хүүхдийн төлөө” санаачилж хийсэн ажил, хэрэгжүүлсэн төсөл үр дүнгээ өгч байгаад талархалтай байгаагаа илэрхийлээд цаашид бүх талаар дэмжиж хамтран ажиллана гэлээ.
ЭХ СУРВАЛЖ:ХОВД АЙМГИЙН ЗАСАГ ДАРГЫН ТАМГЫН ГАЗАР