-Алсын хараа-2050 Монгол Улсын урт хугацааны бодлогын баримт бичигт “Үндэсний онцлог бүхий аялал жуулчлалыг хөгжүүлж Олон улсын аялал жуулчлалын зах зээлд өрсөлдөх чадвар дээшилсэн байна”,

-Ховд аймгийн Засаг даргын 2024-2028 оны уйл ажиллагааны хөтөлбөрт ”Байгалийн болон соёлын аялал жуулчлалыг нутгийн иргэдэд түшиглэн хөгжүүлэх цогц төсөл хөтөлбөр хэрэгжүүлнэ" гэж заасан.  

Тиймээс Байгалийн болон соёлын аялал жуулчлалыг нутгийн иргэдэд түшиглэн хөгжүүлэх бодлого төлөвлөлтийг бий болгон тулгамдаж буй асуудлаа хэлэлцэн шийдвэрлэх арга замыг тодорхойлж, хамтын ажиллагааг сайжруулах зорилгоор “АЯЛАЛ ЖУУЛЧЛАЛ-ХАМТЫН ХӨГЖИЛ” зөвлөгөөнийг өнөөдөр /2025.04.07/ зохион байгуулж байна.

Зөвлөгөөнийг аймгийн Засаг дарга, Баруун бүсийн зөвлөлийн дарга М.Амарсанаа нээж үг хэлсний дараа Монгол улсын төрийн дуулал эгшиглүүлэв.

Аймгийн ХДТ-ын уран бүтээлчид дуу, хуур, бүжиг наадмынхаа дээжээс өргөн барилаа.

Соёл, спорт, аялал жуулчлал, залуучуудын яам, Ховд аймгийн Засаг даргын Тамгын газар, Соёл урлаг, аялал жуулчлал, залуучуудын газар, аймгийн Аялал жуулчлалын холбоо хамтран зохион байгуулж буй зөвлөгөөнд сум, орон нутгийн удирдлагууд болон аялал жуулчлалын чиглэлээр үйл ажиллагаа явуулдаг аж ахуй нэгжийн төлөөлөл оролцож байна.

“АЯЛАЛ ЖУУЛЧЛАЛ-ХАМТЫН ХӨГЖИЛ” зөвлөгөөнийг зохион байгуулснаар:

Аялал жуулчлалын хөгжлийг дэмжих бодлогын шийдлүүдийг ярилцаж хамтын ажиллагааны боломжууд нээгдэнэ гэж үзэж байна.

Сүүлийн жилүүдэд Ховд аймгийг зорин иэх жуулчдын тоо өсөн нэмэгдэж байгаа. Өнгөрсөн онд /2024/ 45000 жуулчин ирсэн судалгаа бий. Энэ нь 2023 оноос 27.57% өссөн байна. 

Жуулчдын тоо өссөн нь “Мөнгөлөг шагшуурга”, “Цайны зам Жангар” эвент арга хэмжээг үзэж сонирхсон аялагчдын тоо эрс өссөнтэй холбоотой гэж Соёл урлаг, аялал жуулчлал, залуучуудын газраас мэдээллээ.