Сумдын ИТХ-ын Нарийн бичгийн дарга нарыг мэргэжил арга зүйгээр хангаж, чадавхжуулах, Нутгийн өөрөө удирдах ёсны байгууллагуудын хамтын ажиллагааг өргөтгөх зорилгоор “Сургалт, арга хэмжээ”-г зохион байгуулж байна.

Өнөөдөр /2025.03.26/ эхлүүлсэн тус сургалт гурван өдөр үргэлжилнэ.

Сургалтад 17 сумын ИТХ-ын нарийн бичгийн дарга нар, зарим мэргэжилтнүүд оролцож байна.

-Сумдын ИТХ-ын төсөв санхүү, үйл ажиллагаа,

-Аймгийн хэмжээнд бүртгэгдсэн гэмт хэрэг зөрчлийн тоон үзүүлэлт, анхаарах асуудал,

-Монгол бичгийн хэрэглээ, дадлага,

-ERP системийн ашиглалт ба албан хэрэг хөтлөлт,

-Хэрэглэгчдийн эрх ашгийг хамгаалах нийгэмлэгийн үйл ажиллагаа,

-Хүний эрхийн үндсэн ойлголт ба хандлага,

-Сум, байгууллагын өмч хамгаалах зөвлөлийн үйл ажиллагаа,

-Ажлын байран дахь тогтвортой сэтгэл зүй,

-Зонхилон тохиолдож буй өвчин эмгэг, зөв дадал хэвшил

-Үр дүнд суурилсан төсөвлөлтийн арга зүй, төсвийн ерөнхийлөн захирагчийн болон хөтөлбөрийн үр дүн,

-Аймгийн ИТХ-аас төлөвлөж буй үйл ажиллагаа, хурлын байгууллагуудын хамтын ажиллагаа гэсэн сэдвийн хүрээнд холбогдох байгууллагын албан тушаалтнууд мэдээлэл хүргэлээ.

Сумдын ИТХ-ын нарийн бичгийн дарга нар энэ сарын 27-ны өдөр аймгийн ИТХ-ын Хороодын хуралд оролцоно. Мөн 28ны өдөр аймгийн ИТХ-ын ээлжит гуравдугаар хуралдаанд оролцох юм.