Аймгийн Засаг дарга М.Амарсанаа, Засаг даргын орлогч Э.Уртнасан нар өнөөдөр /2024.11.18/ “Шинэ Ховд” баруун бүсийн хөгжлийн корпорац ОНӨААТҮГ-ын төлөөлөлтэй уулзлаа.

“Шинэ Ховд” ББХК нь:

Шинэ Ховд үйлдвэрлэл технологийн парк Шинэ Ховд агро парк Шинэ Ховд бизнес хөгжлийн төв гэсэн салбар нэгжээс бүрддэг.

Энэ хүрээнд:

•Аж үйлдвэрлэл - 29 төсөл
•Хөдөө аж ахуйн үйлдвэрлэл - 13 төсөл
•Дэд бүтэц - 9 төсөл •Үйлчилгээ,аялал жуулчлал - 8 төсөл
•Нийгэм, хотын хөгжил - 8 төсөл нийт 67 төсөл хэрэгжүүлэхээр төлөвлөсөн.

“Шинэ Ховд” ББХК-ын хэрэгжүүлж буй төслүүд нь баруун бүсийн иргэд ажиллаж, амьдрахад таатай хотыг бий болгох, хөрөнгө оруулалтын ээлтэй орчныг бүрдүүлэхэд түлхэц болох учиртай.

Дээрх уулзалтын үеэр “Шинэ Ховд” ББХК-ын үйл ажиллагааны үндсэн чиглэл, хэрэгжүүлж буй онцлох ажил, зарим тулгамдсан асуудлын талаар мэдээлэл солилцов.

Ирэх жилүүдэд баялаг бүтээгчид, хувийн хэвшлийнхийг дэмжин ажиллахыг чухалчилж байгаа. Тиймээс “Шинэ Ховд” ББХК-ыг жижиг дунд үйлдвэрлэлийг хөгжүүлэх, бизнес эрхлэгчдийг дэмжих чиглэлд хамтран ажиллахыг үүрэг болголоо гэж аймгийн Засаг даргын Тамгын газраас мэдээллээ.