2021 оны 07 дугаар сарын 16-ны 8:00 цагаас 07 дугаар сарын 17-ны 08:00 цаг буюу сүүлийн 24 цагийн хугацаанд нийт 238 сорьцод PCR шинжилгээ хийжээ. Коронавируст халдварын батлагдсан тохиолдол 35-аар нэмэгдэж нийт 1891 боллоо. 

Тодруулбал, Мөст сумаас 2, Дарви сумаас 1, Дуут сумаас 2 иргэнээс халдвар илэрчээ. Харин Жаргалант сумаас 30 иргэнээс халдвар илэрсэн байна. Тухайлбал,

-Улаанбаатар хотоос ирсэн Жаргалант суманд ошин суух 1, 

-“Тусгаарлах эмнэлэг” хэвтэн эмчлүүлж байсан 2,

-Буянт багт оршин суух 3,

-Баатархайрхан багт оршин суух 5,

-Наран багт оршин суух 2,

-Рашаант багт оршин суух 1,

-Бичигт багт оршин суух 3,

-Хайрхан багт оршин суух 1,

-Цамбагарав багт оршин суух 4,

-Магсаржав багт оршин суух 2,

-Бугат багт оршин суух 3, 

-Тахилт багт оршин суух 1,

-Жаргалан багт оршин суух 2 иргэн байна. 

Аймгийн Онцгой комиссын дэргэдэх “Шуурхай штаб”-аас өгсөн мэдээллээр Ховд их сургуулийн болон Халдвартын тасгийн “Тусгаарлах эмнэлэг”-т өнөөдрийн /2021.07.17/ байдлаар 205 хүн хэвтэн эмчлүүлж байгаагийн 24 нь 0-18 насны хүүхэд, 5 нь жирэмсэн эх байна. Тэдгээрээс маш хүнд-3, хүнд-13, хүндэвтэр-53 бусад нь хөнгөн. 

“Мөнх цохилохуй” эмнэлэгт 1, сумдын Эрүүл мэндийн төв, “Тусгаарлах эмнэлэг”-т нийт 47 хүн хэвтэн эмчлүүлж байна. 

Тэгвэл Жаргалант суманд 275, сумдад 52 нийт /327/ хүн гэрээр эмчлүүлж байна. 

Сүүлийн 24 цагт эмнэлэг болон гэрийн эмчилгээнээс 137 хүн гарч батлагдсан нийт тохиолдлын 1352 нь эдгэрлээ.  

Харин БОЭТ-ийн Халдвартын тасгийн “Тусгаарлах эмнэлэг”-т биеийн байдал нь маш хүнд байсан Жаргалант сумын харьяат, 61 настай эмэгтэй, иргэн Б. Коронавирусний халдвар, архаг, хууч өвчний хавсарсан оношоор 07 дугаар сарын 16-ны 22:35 цагийн орчимд нас баржээ. Талийгаачийн гэр бүл, үр хүүхэд, ах дүү төрөл, төрөгсдөд гүн эмгэнэл илэрхийлье. 

Өнөөдрийн /2021.07.17-ны 09:00 цаг/ байдлаар аймгийн хэмжээнд ойрын хавьтлын 3641 иргэн гэрийн тусгаарлалтад, гэрийн ажиглалтад байсан бүх иргэдийн хяналтын хугацаа дууссан байна.  

Иргэн бүр хариуцлагатай байж, “ДЭГЛЭМ”-ээ баримталъя.

Халдвараас сэргийлэн вакциндаа идэвхтэй хамрагдаж "ХАЛДВАРЫГ ХАМТДАА ДАВЪЯ"