1947-1949 онд болсон Баруун хилийн тулгаралтад өөрийн биеэр оролцож, эх орон, газар нутгаа халуун амь бүлээн цусаараа хамгаалан тэмцэж баатарлаг гавьяа байгуулсан дайчдын нэг бол Алтай сумын харьяат, ахмад дайчин Б.Шилэг гуай юм. Тэрбээр энэ жил 100 насыг зооглож буй. Эх орны тусгаар тогтнол, эрх чөлөөний үнэ цэнийг залуу хойчдоо байнга ярьж зөвлөж, сургаалаа хайрлаж байдаг ахмад дайчин, сайхан буурайд аймгийн Засаг дарга, баруун бүсийн зөвлөлийн дарга Морхын Амарсанаа өчигдөр /2025.03.20/ гэрт нь очиж хүндэтгэл үзүүлж эрүүл энхийг хүслээ.Ажлын хэсэгт аймгийн Засаг даргын Тамгын газрын Цэргийн штабын дарга, хурандаа Б.Ганхуяг, Цэргийн штабын орон нутгийн хамгаалалтын бэлтгэл, сургалтын офицер, хошууч Д.Тамир нарын албаны төлөөлөл багтан ажиллав гэж аймгийн Засаг даргын Тамгын газраас мэдээллээ. Огноо: 3/21/2025 Төрөл: Аймгийн ЗДТГ Сэтгүүлч: Н.Батчимэг, Н.Лхагва 129 Мэдээ таалагдсан:
