Ховд аймгийн Залуучуудын хөгжлийн салбар зөвлөл нь аймгийн Засаг даргын захирамжаар 18 хүний бүрэлдэхүүнтэй байгуулагдан ажиллаж байна. 

Өнөөдөр  /2024.01.18/ салбар зөвлөлийн 2024 оны анхдугаар хуралдаанаа зохион байгууллаа.  

Хуралдааныг зөвлөлийн дэд тэргүүн бөгөөд аймгийн ЗДТГ-ын дарга Б.Сандагсүрэн удирдан явуулав. 

Хуралдаанаар:  

-2023 оны залуучуудын асуудлаар хэрэгжүүлсэн ажил,

-Залуучуудын хөдөлмөр эрхлэлтийн өнөөгийн нөхцөл байдал, 

-Залуучуудын эрүүл мэнд, тулгамдаж буй асуудал, 

-15-17 насны сургууль завсардсан залуучуудын тоон мэдээлэл зэрэг 5 асуудал хэлэлцэж, цаашид хэрэгжүүлэх ажил, анхаарах асуудлын талаар санал солилцлоо.   

Мөн салбар зөвлөлийн ажлыг идэвхжүүлэх, гишүүдийн чиг үүрэг, ажлын зохион байгуулалтыг сайжруулахад анхаарч ажиллах чиглэлийг өгөв.  

Тус зөвлөлөөс 2023 онд 13 чиглэлийн төлөвлөгөөт ажлыг зохион байгуулж, 12 мянга гаруй залуучуудад хүрч ажиллажээ. 

Энэ онд 10 ажил зохион байгуулахаар урьдчилсан төлөвлөгөө гаргаж, гишүүдийн саналыг авч байгаа юм.  

Ховд аймгийн нийт хүн амын 34.2 хувийг, хөдөлмөрийн насны хүн амын 50.04 хувийг 15-34 насны 30 мянга гаруй өсвөр үе, залуучууд эзэлж байна.