Өсвөрийн бөхчүүдийн ур чадварыг дээшлүүлэх, бөхийн спортыг сурталчилах, хүүхдийг үндэсний бөхөд дур сонирхолтой болгох, улсын цолтой бөхчүүдийн залгамж халааг бэлтгэх зорилгоор Ховд аймгийн БТСГазар, Ховд-Үндэсний Бөхийн Холбоо хамтран 12 настай хүүхдийн барилдааныг өнөөдөр амжилттай зохион байгуулав. Барилдаанд Жаргалант сумын 12 жилийн дунд сургуулиудын нийт 32 бөхчүүд бяр хүч, уран мэхийг уралдуулан барилдсанаас Цаст-Алтай цогцолбор сургуулийн сурагч П.Тэмүүлэн түрүүлж, мөн Цаст-Алтай цогцолбор сургуулийн сурагч шөвгөрчээ. Харин уран барилдаантай бөхөөр 12 жилийн 1-р сургуулийн сурагч Б.Гүндалай, уран гараа дэвээтэй бөхөөр 12 жилийн 1-р сургуулийн сурагч  Б.Төрболд нар тус тус шалгарсан байна. Энэ удаагийн бөхийн барилдааныг аймгийн арслан Б.Батмөнх, аймгийн заан Г.Нямдэлэг нар шүүн явууллаа.