BRD CUP 2025 U-15 насны олон хотын нээлттэй, цомын тэмцээн 2025 оны 01 сарын 10-12 ны өдрүүдэд Улаанбаатар хотын Hawaii Sport Complex-д боллоо.
Эрэгтэй, эмэгтэй нийт 60-аад багийн тамирчид оролцсон энэхүү тэмцээнд Ховд аймгаас спортын мастер Н.Нармандах, Д.Ганзориг дасгалжуулагчтай "WOLVERINES 13" спорт клубийн тамирчид амжилттай оролцлоо.
Тодруулбал, Эрэгтэй, эмэгтэй гурван багийн 28 тамирчинтай оролцсоноос Б.Мөнх-саруул ахлагчтай охидын баг Мөнгөн медаль хүртсэн бахдам амжилтыг үзүүлэв. Мөн Б.Мөнх-саруул "Шилдэг тэгш тоглогч"-оор шалгарсан байна.
BRD клубийн нэрэмжит U-15 насны олон хотын нээлттэй тэмцээний "Аваргын төлөө" Хилчин спорт хороо, Нийслэлийн 141-р сургуулийн шигшээ багтай тоглож ялагдал хүлээжээ. Өрсөлдөгч баг хүчтэй байсан ч манай тамирчид тоглолтын арга техник, ур чадвараараа дутахааргүй сайн байсныг зохион байгуулагчид үнэлжээ.
BRD CUP 2025 U-15 насны олон хотын нээлттэй, цомын тэмцээнийг энэ жилийн хувьд анх удаа зохион байгуулсан. Цаашид жил бүр уламжлал болгон явуулахаар төлөвлөж байна.
