2025 оны 09-р сарын 15-наас 09-р сарын 24-нийг хүртэлх 10 хоногийн цаг агаарын урьдчилсан төлөв:/Ихэнх хугацаанд цаг агаар тогтуун, өдөртөө дулаан байна/
Хур тунадас: 20, 21-нд зарим газраар бага зэргийн бороо, хур тунадас орно.
Салхи: 20, 21-нд зарим газраар секундэд 6-11 метр, Алтайн салбар уулсаар секундэд 14-16 метр хүрч ширүүснэ. Бусад хугацаанд ихэнх нутгаар секундэд 4-9 метр.
Агаарын температур: 15,16-нд нийт нутгаар сэрүүсч уулархаг нутгаар шөнөдөө -2...-7 градус хүйтэн, өдөртөө +7...+12 градус дулаан, бусад нутгаар шөнөдөө +1...+6 градус, өдөртөө +13...+18 градус дулаан байна. 17-ноос нийт нутгаар дулаарч уулархаг нутгаар шөнөдөө -2 градус хүйтнээс +3 градус дулаан, өдөртөө +10...+15 градус, бусад нутгаар шөнөдөө +4...+9 градус, өдөртөө +17...+22 градус дулаан байна гэж аймгийн УЦУОШТөвөөс мэдээллээ.