.jpg)
Аймгийн УЦУОШТөвөөс 2021 оны 3 дугаар сарын 13-ны өдөр, 13-14 шилжих шөнө ажиглагдсан цаг агаарын аюултай үзэгдлийн тойм мэдээг гаргажээ.
Ховд аймгийн Алтай, Үенч, Булган сумаас бусад сумын нутгаар салхины дундаж хурд 12-24 м/с, түр зуурын өрөвхийлөлт их хурд 18-34 м/с хүрч шороон шуурга шуурч цаг агаарын аюултай үзэгдэл ажиглагдсан байна. Үүнээс Зэрэг, Чандмань, Ховд /Дунд-Ус/, Дарви, Дуут, Эрдэнэбүрэн, Дөргөн сумдын нутгаар хамгийн хүчтэй буюу дундаж хурд 18-24м/с, өрөвхийлөлт их хурд 24-34м/с хүрч ширүүсчээ. Харин Дарви сумын нутгаар 0.6мм цас орсон байна.
2021 оны 03 дугаар сарын 14-ний өдрийн 02:40 цагт Баруун бүсийн төв-Ховд аймгийн Онцгой байдлын газраас авсан мэдээгээр хүчтэй салхи шуурганы улмаас Ховд суманд 3 айлын гэр, Дуут суманд 1 айлын гэр, Зэрэг суманд 4 айлын гэр, 26 айлын хашаа, Дарви суманд зарим нэг авто гражийн дээвэр, айлын хашаа нурсан гэсэн урьдчилсан мэдээ байна. Бусад сумдаас мэдээлэл ирээгүй байна гэлээ.
Цаашид:
Хур тунадас: 15-нд Алтайн өвөр говиор цас, зарим газраар ялимгүй цас, 17-18-нд Алтайн уулархаг нутгаар ялимгүй цас орно.
Салхи: 17,18-нд зарим газраар 10-12м/с, Алтайн салбар уулсаар 14-16м/с хүрч ширүүснэ. Бусад хугацаанд баруунаас секундэд 4-9 метр.
Агаарын температур: Шөнөдөө 10-15 градус хүйтэн, өдөртөө 0-5 градус хүйтэн байна. 20-ноос нийт нутгаар бага зэрэг дулаарна гэж аймгийн УЦУОШТөвөөс мэдээллээ.
