"Smart" худалдааны төвийн нээлтийн үйл ажиллагааг өнөөдөр /2025.12.20/ зохион байгууллаа.
Нээлтийн ёслолд аймгийн ИТХ-ын дарга З.Эрхбаяр, Засаг даргын орлогч Л.Энхбаяр, Засаг даргын Тамгын газрын дарга Х.Баасанхүү нарын албаны төлөөлөл оролцож амжилт хүслээ.
Мөн тус бүтээн байгуулалтыг барьж ашиглалтад оруулж буй хөрөнгө оруулагч, төсөл хэрэгжүүлэгч "Бямбасолонго" ХХК-ийн ТУЗ-ийн дарга Б.Анхбаяр, захирал Ч.Бямбажав болон албаны бусад төлөөллийн хамтаар ёслолын тууз хайчиллаа.
"Smart" төслийг
"Бямбасолонго" ХХК-ийн захирал Ч.Бямбажав 2021 онд санаачлан хэрэгжүүлжээ. Төслийн хүрээнд худалдаа, үйлчилгээний төв, банк, санхүүгийн байгууллага, зочид буудал зэрэг хоёр корпус бүхий бүтээн байгуулалтыг ашиглалтад оруулахаар төлөвлөсөн байна.
Үүний эхний корпусыг ийнхүү ашиглалтад оруулан 35 хүнийг ажлын байраар хангаж үйл ажиллагааг нь эхлүүллээ.
Хоёр дахь корпусыг 2026 оны гуравдугаар улиралд багтаан ашиглалтад оруулахаар ажиллаж байна. Ингэснээр дахин 65 хүн ажлын байртай болно гэлээ.