"Аймгийн 2026 оны Хөгжлийн төлөвлөгөө"-г хэлэлцэн батлах тухай асуудлыг өмнөх хуралдаанаар хойшлуулсан. Тэгвэл VII хуралдаанд танилцуулж хуралд оролцсон төлөөлөгчдийн саналыг тусган 100 хувийн саналаар эцэслэн баталлаа.
Аймгийн ЗДТГ-ын даргын албан үүргийг түр орлон гүйцэтгэгч Х.Баасанхүү тус асуудлын ерөнхий илтгэл мэдээллийг танилцуулав.
“Ховд аймгийн хөгжлийн 2026 оны төлөвлөгөө”-ний төслийг боловсруулахдаа Засгийн газрын болон аймгийн Засаг даргын 2024-2028 оны үйл ажиллагааны хөтөлбөрийн 2026 оны зорилтууд, Монгол Улсын хөгжлийн бодлогын баримт бичгүүдтэй уялдуулахын зэрэгцээ зэрэгцээ холбогдох яаманд танилцуулан санал зөвлөмжийг нь тусгасан гэлээ.
Мөн сум, байгууллага, иргэд олон нийтээс санал авч, аймгийн эдийн засаг, нийгмийн хөгжлийг хангах, иргэдийн амьдралын чанарыг дээшлүүлэх зорилгоор 5 бодлого 109 арга хэмжээг тусгасан байна.
Тодруулбал, -Бүсчилсэн хөгжлийн бодлого
-Хүний хөгжлийн бодлого
-Эдийн засгийн бодлого
-Байгаль орчин ногоон хөгжлийн бодлого
-Хүний эрхийг дээдэлсэн засаглалын бодлоготой.