Ээлжит хуралдааныг аймгийн ИТХ-ын дарга З.Эрхбаяр нээж үг хэлсний дараа Монгол улсын төрийн дуулал эгшиглүүлэв.

Хуралдаанд нийт 41 төлөөлөгч оролцохоос 70.7 хувийн ирцтэй байна.

-Аймгийн ИТХ-ын 2024-2028 оны стратеги төлөвлөгөө батлах тухай,

-Аймгийн ИТХ-ын бүтэц, орон тоонд өөрчлөлт оруулах тухай,

-Аймгийн ИТХ-ын дэргэдэх хороодын чиг үүрэг, ажиллах журам батлах тухай,

Аймгийн ИТХ-ын Ёс зүйн дэд хорооны бүрэлдэхүүнд өөрчлөлт оруулах тухай асуудлыг хэлэлцэнэ. 

-Аймгийн Засаг даргын 2024-2028 оны үйл ажиллагааны хөтөлбөр батлах тухай,

-Аймгийн 2023 оны төсвийн гүйцэтгэл, 2024 оны батлагдсан төсвийн хэрэгжилтийн урьдчилсан дүн, аймгийн 2025 оны төсөв батлах тухай,

-Аймгийн 2025 оны төсвийн орлого нэмэгдүүлэх, зарлага бууруулах, төсвийн үр ашгийг дээшлүүлэх тухай,

-Үндсэн хөрөнгө акталж, данс бүртгэлээс хасах тухай зэрэг асуудлыг хэлэлцэнэ.

Хэлэлцэхээр төлөвлөсөн асуудлуудтай холбогдуулан аймгийн ИТХ-ын дарга З.Эрхбаяр, нарийн бичгийн дарга Л.Жамъяандорж, Засаг дарга М.Амарсанаа, Ховд аймаг дахь Төрийн аудитын газрын дарга Х.Болдбаатар, Орон нутгийн өмчийн газрын дарга Б.Энхбаяр нар илтгэл мэдээлэл танилцуулах юм. 

Хуралдаанд албан, байгууллага, аж ахуйн нэгжийн дарга, удирдлагууд, сумдын ИТХ-ын дарга, Засаг дарга нар болон холбогдох албаны төлөөлөл урилгаар оролцож байна. 

Хуралдааныг энэ өдөрт багтаан дуусгахаар төлөвлөж байнгын дэгийн дагуу зохион байгуулж байна.