Энэ сарын 20-ны өдөр аймгийн ИТХ-ын ээлжит II хуралдаан зохион байгуулна. Үүнтэй холбогдуулан аймгийн ИТХ-ын Ажлын алба, Засаг даргын Тамгын газраас ээлжит хуралдаанаар хэлэлцэхээр төлөвлөсөн асуудлыг боловсруулж, бэлтгэл ажлыг хангаж байна.
Өнөөдөр /2024.12.18/ ИТХ-ын дэргэдэх
"Сайн засаглал, нутгийн удирдлага, хууль зүйн хөгжлийн хороо" хуралдаж ээлжит II хуралдаанаар хэлэлцэх зарим асуудлуудтай танилцаж санал бодлоо солилцлоо.
Хуралдаанаар:
-Аймгийн ИТХ-ын 2024-2028 оны стратеги батлах тухай,
-Аймгийн ИТХ-ын Ажлын албаны бүтэц, орон тоонд өөрчлөлт оруулах тухай,
-Аймгийн Засаг даргын 2024-2028 оны үйл ажиллагааны хөтөлбөр батлах тухай асуудлыг хэлэлцэв.
Улмаар тус хорооны гишүүдийн саналыг тусган дээрх асуудлуудыг аймгийн ИТХ-ын II хуралдаанаар хэлэлцэхээр боллоо гэж аймгийн Засаг даргын Тамгын газраас мэдээллээ.
