
Авлигатай тэмцэх газраас Иргэдийн Төлөөлөгчдийн Хурлын ээлжит сонгуулийн үр дүнгээр шинээр сонгогдсон аймаг, сумын иргэдийн Төлөөлөгчдийн Хурлын төлөөлөгчдөд Авлигатай тэмцэх үндэсний хөтөлбөрийн зорилго, зорилт, үйл ажиллагааг танилцуулж, авлигын эсрэг хууль тогтоомжийн хэрэгжилт, үр дүн, анхаарах асуудлын талаар сургалт хэлэлцүүлэг зохион байгууллаа.

Өнөөдөр
/2024.12.09/ зохион байгуулсан сургалт хэлэлцүүлэгт аймаг, сумын ИТХ-ын дарга, төлөөлөгчид болон ажлын албаны 200 гаруй албан тушаалтан хамрагдав.

Тус сургалтын нээлтэд аймгийн Иргэдийн Төлөөлөгчдийн Хурлын дарга З.Эрхбаяр оролцож үг хэллээ.

Сургалтаар авлигын нийгмийн хор аюулыг олон нийтэд ухуулан сурталчлах, авлигатай тэмцэх арга барилд төрийн албан хаагчдыг сургах, авлигаас урьдчилан сэргийлэх, төрийн үйлчилгээний ил тод байдлыг хангах чиглэлээр холбогдох арга зүйн туслалцаа үзүүлэх зэрэг сэдвээр мэдээлэл хийж, хэлэлцүүлэг өрнүүлэв.

Энэ үеэр
“Авлигын эсрэг Олон улсын өдөр” тохиож байгаа бөгөөд сургалтад оролцогчид “
Авлигын эсрэг” нэгдэж буйгаа илэрхийллээ гэж аймгийн ИТХ-ын Ажлын Албанаас мэдээллээ.

