Улсын төсвийн хөрөнгө оруулалтаар Манхан сумын ИТХ, ЗДТГ иргэдэд үйлчлэх төв буюу шинэ “Нутгийн удирдлагын ордон”-той болж 2024 оны 10 дугаар сарын 23-ны өдөр нээлтээ хийлээ. Тус барилгын ажлыг “Бүтээмж Тауэр” ХХК-ийн хамт олон хийж гүйцэтгэжээ. Энэхүү барилга нь орчин үеийн стандартын шаардлага хангасан 702 м.кв бүхий хоёр давхар төмөр карказан барилга юм. “Нутгийн удирдлагын ордон”-ы нээлтэд аймгийн ИТХ-ын дарга Г.Пүрэвганди, аймгийн ИТХ-ын төлөөлөгч С.Гантөмөр болон сумын үе үеийн удирдлагууд, гүйцэтгэгч компанийн удирдлага, иргэдийн төлөөлөл оролцов. Мөн энэ үеэр УИХ-ын гишүүн, Батлан хамгаалахын сайд С.Бямбацогтын Ажлын албанаас Ховд аймгийн хөдөөгийн 79 багт мотор, проктер дэлгэц, караоке төхөөрөмж, узел аппартурыг мөн сумын төвийн байгууллагуудад шаардлагатай тоног төхөөрөмжүүдийг өгч байгаа юм. Манхан сумын баг, байгууллагын дарга нарт аймгийн ИТХ-ын дарга Г.Пүрэвганди гардуулан өглөө. Огноо: 10/24/2024 Төрөл: Аймгийн ИТХ Сэтгүүлч: Н.Батчимэг, Н.Лхагва 1162 Мэдээ таалагдсан:
