УИХ-ын гишүүн, Эрчим хүчний сайд Баттогтохын Чойжилсүрэн энэ сарын 17-ны өдрөөс хойш Ховд аймагт ажиллаж байна.
Хуваарийн дагуу өчигдөр /2024.02.22/-ны 18:00 цагт Булган сумын иргэдийн төлөөлөлтэй уулзав.
Уулзалтаар:
Монгол Улсын төсөв, эдийн засаг, Эрчим хүчний салбарын өнөөгийн нөхцөл байдал ба хэрэгжүүлж буй төсөл арга хэмжээний тухай илтгэл, мэдээлэл танилцууллаа.
Засгийн газрын болон салбарын бодлого шийдвэр, хийж хэрэгжүүлж буй ажлын талаар мэдээлэл авч төрд үгээ дайхыг зорьсон иргэд уулзалтад өргөнөөр оролцов.
Энэ үеэр өөрсдийн үзэл бодлоо илэрхийлж сонирхсон асуултаа асуун хариултаа авч санал солилцлоо.
Булган сумын хувьд:
БНХАУ-аас цахилгаан эрчим, хүчээр хангагддаг сумдын нэг. Сумын төвийн 0.4-ийн шугамын шинэчлэлийг 2016 онд хийсэн. Цахилгааны хүчдэл харьцангуй сайн. Одоо зарим нэг шугам, трансформаторыг шинэчилж цахилгааны хүчдэлийг нэмэгдүүлэх шаардлагатай байгааг танилцуулав.
Уулзалтад сумын ИТХ-ын дарга Ж.Цогоо, Засаг дарга Ж.Дамдинбазар болон албаны бусад төлөөлөл байлцлаа.
