Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын дагуу аймгийн ИТХ-ын Зөвлөл байгуулагдсан байдаг. Уг зөвлөл нь хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэгтэй ажилладаг.
Тус зөвлөл өнөөдөр /2022.11.23/ хуралдаж, 10 дугаар Хуралдаан зарлах тухай, Орон нутгийн хөгжлийн сангийн бүрдүүлэлт, зарцуулалт, үр нөлөө, үр дүнд хийсэн гүйцэтгэлийн аудитын дүн, Төрийн болон орон нутгийн өмчит, өмчийн оролцоотой хуулийн этгээдийн үйл ажиллагааны үр ашигт хийсэн аудитын дүгнэлт, Улсын тэмдэгтийн хураамжийн тухай хуулийн хэрэгжилт гэсэн асуудлуудыг хэлэлцэж байна.
Хуралд Зөвлөлийн 5 гишүүн танхимд, 1 гишүүн цахимаар оролцож байгаа юм.
Мөн Ховд аймаг дахь Төрийн Аудитын газар, аймгийн ХБТХОХ, аймгийн ОНӨГ, аймгийн Мал Эмнэлгийн газар зэрэг холбогдох байгууллагуудын удирдлагууд, аудиторууд, мэргэжилтнүүд оролцож байна.
