Олон угсаатны өлгий Ховд аймгийн 17 суманд аж төрөн амьдарч байгаа Урианхай, Дөрвөд, Захчин, Мянгад, Өөлд, Торгууд, Халх, Казах, Тува зэрэг ястнуудын цайны соёл дахин давтагдашгүй онцлогтой.
“Цайны соёл” арга хэмжээний үеэр угсаатан бүр өөр өөрсдийн цай чанах өвөрмөц арга, уламжлалт ёсоо танилцуулахаас гадна цай бааварлах, хандлах, амтлах, аягалах соёлыг сурталчилж, иргэд олон нийтийг дайлж, үйлчилж байлаа.
Жишээ нь торгууд угсаатан эмийн чанартай ядаргаа тайлах цай чанадаг бол, Урианхайчууд тавласан цай, Халхууд толгойтой цай, Мянгад угсаатан ядаргаа тайлаах цай зэргийг чанаж өөрсдийн арга туршлагаа хуваалцлаа.
