Гэмт хэргээс урьдчилан сэргийлэх чиглэлээр Улаанбаатар хотоос Хилийн бүс нутгаар ажиллаж байгаа ажлын хэсгийг ИТХ-ын дарга, аймгийн ГХУСАЗСЗ-ийн дарга Г.Пүрэвганди хүлээн авч уулзлаа.
Уулзалтын хүрээнд Гэмт хэргээс урьдчилан сэргийлэх чиглэлээр хамтран ажиллах тухай болон энэ чиглэлийн ажлыг хийхэд гарч буй хүндрэл бэрхшээл, ололт амжилтын талаар ярилцаж санал солилцов.
Тус ажлын хэсэг нь “Байгалийн ургамлын эд эрхтэн, бүтээгдэхүүний хил дамнасан хууль бус худалдаа, түүний илрүүлэлт, хяналт, хамтын ажиллагааг сайжруулах нь" сэдэвт хөдөлгөөнт сургалтыг баруун аймгуудад зохион байгуулж байна.
Сургалтын хүрээнд Монгол Улсын баруун бүсийн хилийн боомтуудад үүрэг гүйцэтгэж байгаа хил, гааль, цагдаагийн байгууллагуудын алба хаагчдад дээрх сэдвээр сургалтыг зохион байгуулж, хилийн бүсэд ажиллаж байгаа алба хаагчдын мэргэжлийн мэдлэг, ур чадварыг нь дээшлүүлэх, хууль хяналтын байгууллагуудын баримталж буй бодлого, чиглэлийн талаар мэдээлэл өгч ажиллаж байна гэдгийг хөдөлгөөнт сургалтаар явж байгаа ажлын хэсгийнхэн мэдээллээ.
