Мөнххайрхан сумын Алаг багийн “Хар дав” гэх газар хаваржиж буй малчин Б.Энхбаатарын 150 бог мал хаданд хашигджээ. Тухайн малчнаас ирүүлсэн хүсэлтийн дагуу аймгийн Онцгой байдлын газрын Эрэн хайх, аврах ангийн  5 алба хаагч, 1 автомашинтай, Манхан сум дахь Эрэн хайх, аврах бүлгийн 4 алба хаагч 1 автомашинтай, нийт 9 алба хаагч 2 автомашинтай очиж 30 гаруй метрийн өндөр хаданд хашигдсан малыг буулгаж малчин Б.Энхбаатарт  хүлээлгэн өгсөн байна.



Бэртэж гэмтсэн хүн байхгүй, аврах ажиллагааг амжилттай зохион байгуулсан гэж аймгийн Онцгой байдлын газраас мэдээллээ.