“АЙМГИЙН АВАРГА МАЛЧИН”-аар шалгарсан Зэрэг сумын Бураа багийн малчин Ц.Мэндбат, Т.Нямхүү нар эм малыг түлхүү маллаж мал сүргээ төлөөр нь өсгөхийг зорьжээ. Үүний үр дүнд өдгөө таван төрлийн 1200 гаруй толгой малтай болсон байна. Энэ хавар л гэхэд бог, бод нийосэн 500 гаруй төл хүлээн авахаас богийн 80 гаруй нь төллөжээ.Аварга малчин Ц.Мэндбат аав ээжээсээ мал маллах арга туршлагыг өвлөж найм дугаар ангиа төгсөөд малчин болсон. Тэрбээр буурлуудын буян, нутаг усны өгөөж, айл саахалт, ах дүүгийн дэмжлэг туслалцаа, өөрсдийн хичээл зүтгэлийн үр дүнд олон жилийн уйгагүй хөдөлмөрөө үнэлүүллээ. Илүү их хичээх урам өглөө хэмээн талархан ярьж байв. Ц.Мэндбат малч удамтай. Дөрвөн үеийн мянгат малчин аймгийн аварга цолонд хүрч байна. Амжилтаа дахин ахиулах боломж байгаа хэмээн нутгийн ахан дүүс,ахмад буурлууд нь итгэл дүүрэн байна. ВИДЕО: Огноо: 4/3/2022 Төрөл: ХАА, Байгаль экологи Сэтгүүлч: Н.Батчимэг, Н.Лхагва 1075 Мэдээ таалагдсан:
