Өнөөдөр /2021.12.03/ аймгийн ИТХ-ын тавдугаар хуралдаан 92,6 хувийн ирцтэйгээр эхэллээ.

Хурлыг аймгийн ИТХ-ын дарга Г.Пүрэвганди нээж, хэлэлцэх асуудал, хуралдаанд үйлчлэх ажлын албадыг танилцуулж, төлөөлөгчдийн саналыг тусган, хурлын журмыг баталлаа.

-Аймгийн ИТХ-ын 2021 оны үйл ажиллагааны  тухай ИТХ-ын дарга Г. Пүрэвгандийн илтгэл,

-Ховд аймгийг 2021-2025 онд хөгжүүлэх таван жилийн үндсэн чиглэл, аймгийн Засаг даргын 2020-2024 оны үйл ажиллагааны хөтөлбөрийн хэрэгжилтийн явц, 2022 оны зорилтын тухай аймгийн Засаг дарга Б. Дүгэржавын илтгэл

-Аймгийн 2020 оны төсвийн гүйцэтгэл, 2021 оны батлагдсан төсвийн хэрэгжилтийн урьдчилсан дүн, аймгийн  2022 оны төсвийн тухай аймгийн Засаг дарга Б. Дүгэржавын илтгэл 

-Аймгийн 2022 оны төсвийн төсөлд болон төсвийн үр ашгийг дээшлүүлэх, орлого нэмэгдүүлэх талаар Ховд аймгийн Төрийн аудитын газрын дарга, Тэргүүлэх аудитор Х. Болдбаатарын илтгэл

-Аймгийн Газар зохион байгуулалтын 2021 оны төлөвлөгөөний биелэлт, 2022 оны төлөвлөгөөний тухай аймгийн Засаг дарга Б. Дүгэржавын илтгэл

-Аймгийн газрын үнэлгээний бүсчлэл, газрын төлбөрийн хэмжээг шинэчлэн тогтоох тухай  аймгийн Засаг дарга Б. Дүгэржавын илтгэлийг тус тус хэлэлцүүлнэ. 

Хэлэлцэж буй асуудалтай холбогдуулан байгууллагын дарга, мэргэжилтнүүд хуралдаанд оролцож байна. Хуралдааныг “Ховд телевиз”-ээр шууд дамжуулан иргэд, олон нийтэд хүргэж байна.