МЭРГЭЖИЛТЭЙ АЖИЛТАН-ХӨГЖЛИЙН ИРЭЭДҮЙ

Эдүгээ 77 дахь жилдээ үйл ажиллагаа явуулж буй Хөгжил политехник коллеж нь 130 гаруй багш, ажилтантай.

Тус сургуулийг сонгон суралцах оюутан залуусын тоо жилээс жилд өссөөр энэ хичээлийн жилд 32 мэргэжлээр 1200 гаруй суралцагчтай болжээ. 2017 онд тус сургуульд 450 хүүхэд элсэж байсан бол 2020-2021 оны хичээлийн жилд 750 оюутан элсүүлсэн байна.

Энэ нь тус сургуулийн сургалтын чанар, зах зээлийн эрэлт хэрэгцээнд тулгуурласан хэрэгцээтэй мэргэжлээр сургаж бас ажлын байранд зуучлан ажиллаж байгаагийн үр дүн. Нөгөө талаар мэргэжилтэй ажилтан бэлтгэх асуудлыг төрөөс дэмжсэний нэг тод жишээ юм.

Элсэн суралцагсдын тоо жилээс жилд өсөн нэмэгдэж байгаа учраас сургуулийн бааз, сургалтын орчныг илүү сайжруулах зайлшгүй хэрэгцээ шаардлага байсан. Тиймээс 960 оюутны суудалтай хичээлийн шинэ байрны өргөтгөлийг ашиглалтад оруулж өнөөдөр /2021.10.23/ хүлээн авлаа.



Ингэснээр оюутан залуусын амьдрах орчин сайжирч, танхимын болон дадлагын сургалтын чанарт илүү ахиц дэвшил гарна гэж үзэж байна. 



Хичээлийн шинэ байрны нээлтийн үйл ажиллагаанд УИХ-ын гишүүн, ХЗБХ-ны дарга С.Бямбацогт, БШУ-ны сайд Л.Энх-Амгалан, Ховд аймгийн Засаг дарга Б.Дүгэржав, аймгийн ЗД-ын орлогч Т.Дэлгэрсайхан, Боловсролын газрын дарга Б.Алтангэрэл, ХПТК-ын захирал Баярмаа тэргүүтэй бусад албаны хүмүүс оролцлоо. 

ВИДЕО: