Өнөөдөр /2021.07.21/ аймгийн ИТХ-ын Тэргүүлэгчдийн хурал боллоо. Хурлаар аймгийн ИТХ-ын 4 дүгээр хуралдааныг товлон зарлах тухай, Өмч хөрөнгийн Үндсэн хөрөнгө акталж, данснаас хасах зөвшөөрөл олгох тухай, “Шинэ-Ховд Баруун бүсийн Хөгжлийн Корпораци" ОНӨААТҮГ-ын 2021 оны үйл ажиллагааны санхүүгийн төлөвлөгөөг батлах тухай, “Мянган угалзат” ОНӨААТҮГ-ын  2021 оны үйл ажиллагааны санхүүгийн төлөвлөгөөг батлах тухай, Орон нутгийн өмчийн 2020 оны тооллогын дүнгийн тухай болон төрийн дээд шагналд өргөн мэдүүлж, Ерөнхийлөгчийн Тамгын газарт уламжлах зэрэг асуудлуудыг хэлэлцэв. 

Хурлаас аймгийн ИТХ-ын 4 дүгээр хуралдааныг 2021 оны 08 дугаар сарын 05-ны өдөр, Ховд хотод, аймгийн Нутгийн удирдлагын ордонд хуралдуулж тус хуралдаанаар аймгийн ИТХ-ын Төлөөлөгчийн ёс зүйн дүрэм батлах тухай, аймгийн 2021 оны батлагдсан төсөвт нэмэлт, өөрчлөлт оруулах тухай, “Ховд аймгийн нутаг дэвсгэрт үйл ажиллагаа явуулдаг шашны байгууллага, сүм хийдэд зөвшөөрөл олгох, эрхийн хугацаа сунгах тухай зэрэг 3 асуудлуудыг хэлэлцүүлэхээр тогтоолын төсөл баталлаа гэж аймгийн ИТХ-ын Иргэд, олон нийттэй харилцах хэлтсээс мэдээллээ.