Коронавируст халдвар /Ковид-19/-ын цар тахалтай тэмцэх, урьдчилан сэргийлэх, хаиру арга хэмжээг эрчимжүүлэх, Засгийн газар, УОК-ын шийдвэрийн хэрэгжилтийг хангуулах, мэргэжил арга зүйн удирдлагаар хангах зорилгоор МУ-ын Шадар сайдын туслах П.Оюунчимэгээр ахлуулсан ЭМЯ, ТЕГ, МХГ-ын төлөөллөөс бүрдсэн 4 хүний бүрэлдэхүүнтэй ажлын хэсэг Ховд аймагт ажиллаж байна.
УОК-ын Шуурхай бүлэг аймгийн Онцгой комисс, Шуурхай штабын ажилтай танилцаж, аймгийн Коронавируст халдварын нөхцөл байдлын талаарх мэдээллийг сонсож, цаашид хэрэгжүүлэх ажлын чиглэл, зааварчилгаа өглөө. Энэ үеэр аймгийн Онцгой комиссоос сүүлийн хагас жилд зохион байгуулсан ажлын тайлан мэдээг танилцуулж, бүх нийтийн бэлэн байдал улбар шар түвшинд шилжсэнтэй холбогдуулан гарсан төсөв санхүүгийн асуудлыг шийдвэрлэх, Эрүүл мэндийн ажилтнуудын илүү цагийн цалин хөлсний зардал, ЗӨСТ-ийн шинэ барилга, ОБГ, ЗӨСТ-д н автомашины асуудлыг шийдвэрлэж өгөх хүсэлтийг уламжиллаа.
Үүний дараагаар ажлын хэсэг чиг үүрэг бүхий мэргэжлийн байгууллагуудын үйл ажиллагаатай газар дээр нь танилцав.
Тухайлбал, ТЕГ-ын Хэлтсийн дарга, дэд хурандаа Э.Бум-Эрдэнэ, ЭМЯ-ны ХШҮХдарга Г.Ганхуяг нар ЗӨСТ, БОЭТ, Бугат ӨЭМТ, 6-р сургууль, Спортын ордонд байрлалтай дархлаажуулалтын цэгийн үйл ажиллагаатай танилцаж, зөрчил дутагдлыг газар дээр нь арилгуулж, мэргэжил арга зүйн удирдлагаар хангав.
Эрүүл мэндийн байгууллагын эмч ажилтнуудын зүгээс ариутгал, угаалгын ажил хийх зориулалтын байр, эмчилгээнд шаардлагатай Хүчил төрөгч өтгөрүүлэгч-4, Отсос-2, хяналтын монитор-4, тариурын автомат шахуурга-4, автомат автомаксыг тус тус шийдвэрлэж өгөхийг хүслээ. Ийнхүү орон нутгаас гаргасан зарим саналыг УОК-т уламжлахаар боллоо.
