“Даш”-ийн модон гүүр нь Ховд аймгийн Булган сумын төвөөс 90 км зайд буюу Ендэртийн рашааны дэргэд Булган гол дээр бий. Тус гүүрийг 1976 онд вангийн торгууд “Гоогаа” хэмээн алдаршсан Короо овогтой Дашийн санаачлага, удирдлага дор хийсэн байна.

Ингэхдээ Булган голын дунд орших том бул чулууг нүхлэн шон босгож бэхэлгээ хийж,  тухайн үеийн нэгдлийн гишүүдийн хамтын хүчээр барьсан гэдэг. Гүүрний үндсэн хэсгийн урт нь 26, далангийн хамт нийт 65 метр бөгөөд одоо ч ашигласаар байна. Ийнхүү 40 гаруй жил ашиглаж байгаа тус модон гүүрийг хийхдээ материалын эсэргүүцлийг маш сайн тооцсон ба сонирхолтой үзмэр болно гэж нутгийн иргэд онцоллоо.