Хүйтний улирал эхэлсэнтэй холбогдуулан түлшний үнэ ханшийн талаар тодрууллаа. Ховд аймгийн Төв захын дэргэдэх Түлшний худалдааны цэгт нэг тонн нүүрс 120-150 мянга, нэг уут нь 5-7 мянган төгрөгийн үнэтэй байна. Тодруулбал, Тарвагатай уурхайн нүүрс  нэг тонн нь 120 мянга,  Хотгорын уурхайн нүүрс 140 мянга,  Хөшөөтийн  уурхайн нүүрс 150 мянган төгрөгийн үнэ ханштай байна. Өнгөрсөн жилийн мөн үетэй харьцуулахад үнийн хувьд тодорхой хэмжээний өсөлттэй байгааг худалдаа эрхлэгчид хэллээ. Түүнчлэн нэг уут мод 4000-6000, боодол харган 3000, шахмал түлш 7000 төгрөгийн үнэтэй байна. Мөн нэг уут аргал 4000, нэг машин аргал 70-80 мянган төгрөг байна. Аймгийн хэмжээнд 700 орчим иргэн түлшний худалдаа эрхэлдэг аж.