Ховд аймгийн ИТХ, Цагаатгах ажлыг удирдан зохион байгуулах салбар комиссоос 23 дахь жилдээ улс төрийн хилс хэрэгт хэлмэгдэгсдийн дурсгалыг хүндэтгэх арга хэмжээг зохион байгуулав. Өнөөдөр /09.10/ уламжлалын дагуу хэлмэгдэгсдийн хойчийн буянд зориулан Ганданпунцагчойлон хийдэд ном хуруулж, Хэлмэгдэгсдийн дурсгалын хөшөөнд цэцэг өргөлөө.

Улс төрийн хилс хэрэгт хэлмэгдэгсдийн дурсгалын хөшөөнд цэцэг өргөх хэмжээнд аймгийн ИТХ-ын дарга Г.Пүрэвганди, аймгийн Засаг даргын орлогч Т.Жаргалсайхан, аймгийн ИТХ-ын Нарийн бичгийн дарга Б.Сандагсүрэн, аймгийн ИТХ-ын Төлөөлөгч М.Амарсанаа, аймгийн Төрийн аудитын газрын дарга, тэргүүлэх аудитор Х.Болдбаатар, Зэвсэгт хүчний 123-р ангийн захирагч, хурандаа М.Болдбаатар болон улс төрийн хил хэрэгт хэлмэгдэгсдийн гэр бүл, үр хүүхэд, Зэвсэгт хүчний 123-р ангийн бие бүрэлдэхүүн Цаст-Алтай цогцолбор сургуулийн 11б ангийн сурагчид оролцлоо. 

Мөн замын хөдөлгөөнд оролцож буй бүх төрлийн тээврийн хэрэгслүүд 13-14 цагийн хооронд гэрлээ асааж хэлмэгдэгсдэд хүндэтгэл үзүүлэв.

Ховд аймгийн хэмжээнд 2001-2007 онд 260 гаруй хэлмэгдэгсдийн ар гэр, үр хүүхэд нөхөн олговор авсан байна.