“Нийгмийг өөрчлөх боловсрол” залуусын хөгжлийн сарын аян эхэлсэнтэй холбогдуулан Ховд аймгийн Гэр бүл, хүүхэд, залуучуудын хөгжлийн газрын Залуучуудын хөгжлийн төвөөс өсвөр үе, залуучуудын дунд эссэ бичлэгийн уралдаан зарлалаа.

15-25 насны хүүхэд, залуучууд “Цахим орчинд  эерэг хандлага- эрүүл харилцаа" сэдвээр эссэ бичиж, наймдугаар сарын  21-нээс  26-ны  өдөр хүртэлх хугацаанд  Хүүхдийн ордны 101 тоотод ирүүлснээр уралдаанд оролцох эрхтэй болно. Цахим орчны сөрөг нөлөөллөөс урьдчилан сэргийлэхэд хүүхдийн оролцоог нэмэгдүүлэх замаар  эерэг хандлага-эрүүл харилцааг түгээхэд эссэ бичлэгийн уралдааны зорилго чиглэж байна. Эссэ бичлэгийн уралдаанд тавигдах шаардлага нь А4 хэмжээтэй цаасан дээр гар аргаар  алдаагүй, цэвэр тод бичсэн ба 150-200 үгтэй  байх.  Оролцогчдын эссэ бичгийг  эхний гурван байрт шалгаруулж, улмаар  Залуучууд хөгжлийн төвийн фэйсбүүк хуудас дээр байршуулна.