Баруун бүсийн боловсрол, шинжлэх ухааны төв Ховд их сургуулийн төгсөгчдөд “Диплом, энгэрийн тэмдэг гардуулах ёслол”-ын үйл ажиллагаа өнөөдөр боллоо. Тус үйл ажиллагаанд аймгийн ИТХ-ын дарга Г.Пүрэвганди, аймгийн Засаг даргын орлогч Ч.Уранчимэг, ХИС-ийн удирдах ажилтнууд оролцож, мэндчилгээ дэвшүүлэв.  Энэ удаа Ховд их сургууль 37 дахь хаврын төгсөлтөө хийсэн бөгөөд 2018-2019 оны хичээлийн жилд 29 мэргэжлээр 330 гаруй оюутан бакалавр, 12 мэргэжлээр 88 оюутан магистраар төгсөж, диплом, энгэрийн тэмдэгээ гардан авав.