Ховд аймгийн Алтай сумын харъяат Монгол улсын Гавъяат багш, Монгол улсын Консерватори сургуулийн удирдаач багш Гончигийн Ширчинбаатарыг Ховд аймгийн “Хүндэт тэмдэг”-ээр шагнан ажлын амжилт хүслээ.

МУ-ын Консерватори сургуулийн гобой хөгжмийн багш, МУ-ын Гавъяат Багш, Профессор Г.Ширчинбаатар нь Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жилийн Үндэсний их баяр наадмаар “Монгол улсын Гавъяат багш цол” - оор энгээрээ мялаасан юм. Тэрбээр Хөгжим бүжгийн коллежийн гобой хөгжмийн багш бөгөөд “Гобой” хөгжим нь нарийн хулсаар амьсгаагаа тааруулж үлээсний дүнд уянгалаг, цээл аялгуу эгшиглэдэгээрээ бусад үлээвэр хөгжмөөс ялгардаг хөгжим юм. Тийм ч учраас тоглоход хэцүү хөгжимд тооцогддог байна.