Европын холбооны санхүүжилтээр Монгол улсын Засгийн газар, НҮБ-ын Хүнс Хөдөө Аж Ахуйн байгууллага, НҮБ-ын Аж үйлдвэр, Хөгжлийн байгууллага хамтран Хувийн хэвшлийн оролцоотойгоор мал аж ахуйн гаралтай бүтээгдэхүүн болон хүнсний ногооны үйлдвэрлэлийн нэмүү өртгийн сүлжээг хөгжүүлэх SECiM төслийг хэрэгжүүлж байна.
Уг төслийн хүрээнд өнөөдөр Хүнсний ногоо болон сүү, сүүн бүтээгдэхүүний "Нэмүү өртгийн сүлжээг хөгжүүлэх нь" сэдэвт сургалт, платформ уулзалтыг Ховд аймагт зохион байгууллаа.
SECiM төсөл, Ховд аймгийн Засаг даргын Тамгын газар, ХХААГ хамтран хүнсний ногоо, сүү сүүн бүтээгдэхүүн үйлдвэрлэгчдийн дунд зохион байгуулж хэрэгжүүлэхээр өнөөдөр төслийн танилцуулга бүхий хэлэлцүүлгийг өнөөдөр зохион байгууллаа. Дээрх төслийг Дорнод, Хөвсгөл, Сэлэнгэ, Төв, Ховд, Дархан-Уул зэрэг зургаан аймагт хэрэгжүүлэх бөгөөд тус бүр нэг суманд төсөл хэрэгжих юм. Харин Ховд, Хөвсгөл аймгуудад тус бүр хоёр суманд төслийг хэрэгжүүлэхээр болжээ.
Энэхүү уулзалт хэлэлцүүлгийн өмнө төслийн баг аймаг орон нутгийн удирдлагуудтай уулзаж төслийн хүрээнд хэрхэн хамтран ажиллах талаар санал солилцов.
Ховд аймгийн хувьд Мөст, Дуут сумдад уг төсөл хэрэгжинэ. Учир нь тус сумдын хувьд сарлаг их байдаг бөгөөд сарлагийн сүү, сүүн бүтээгдэхүүнийг түшиглэн иргэдийг ажилтай, орлоготой байлгах тал дээр түлхүү анхаарч ажиллах зорилготой юм. Мөн хүнсний ногоо болон жимс жимсгэнийг ихээр үйлдвэрлэж худалдаанд гаргах замаар иргэдийн орлогыг нэмэгдүүлж ажлын байраар хангах бодлого барин ажиллана гэдгээ төслийн зүгээс онцолж байлаа.
ВИДЕО: