Орон нутгийн мэргэжлийн боловсролын их дээд сургууль, коллежийн оюутны УНИВЕРСИАД-2017 наадамд ОХУ-ын Тувагийн их сургууль, Күнзийн институт, МУИС-ийн Завхан сургууль, АШУҮИС-ийн Говь-Алтай аймаг дахь анагаах ухааны сургууль, Увс аймгийн Хөдөлмөрийн дээд сургууль, ХИС-ийн Баян-Өлгий салбар сургууль, Хөгжил Политехник коллеж, Ховд их сургуулийн баг хурд хүч, авхаалж самбаа, авьяас чадвараа сорин өрсөлдөхөд бэлэн боллоо. 

Наадам энэ сарын 25-27-ны өдрүүдэд Ховд  их сургууль дээр зохион байгуулагдах бөгөөд үндэсний бөх, ширээний теннис, модон бөмбөг, волейбол, шатар, сагсан бөмбөг, гоцлол дуу,  бүжиг, язгуур урлаг, ардын бий биелгээ, оюутан миссийн төрлүүдээр явагдана.