Монгол улсын Засгийн газрын 186 дугаар тогтоол, ХХААХҮЯ-ны сайдын 01 тоот албан даалгавар, аймгийн Засаг даргын 05 тоот албан даалгаврын дагуу Ховд аймаг энэ жил 200 тонн өвсний аюулгүйн нөөц, 50 тонн тэжээлийн нөөц бүрдүүлэхээр төлөвлөж байна. Үүнтэй холбогдуулан аймгийн Засаг даргын орлогч Ш.Батсүхээр ахлуусан ажлын хэсэг хадлангийн гол бүс нутаг болсон Буянт, Мянгад суманд ажиллаж  2017-2018 оны өвөлжилт, хаваржилтын бэлтгэл ажлын явцтай танилцлаа.