БНХАУ-ын Алтай аймгийн Алтай хотын Буурал тохой сумын “Шиньжян Ванюань” биотехнологийн группийн "ИНГЭНИЙ СҮҮНИЙ ҮЙЛДВЭР"-ийг танилцуулах уулзалт зохион байгууллаа. Уулзалтад Ховд аймгийн тэмээчдийн холбоо, Дөргөн, Манхан, Чандмань зэрэг сумдын малчид, тэмээчдийн төлөөлөл оролцож мэдээлэл сонслоо.

Энэ үеэр Монгол улс, Ховд аймаг болон БНХАУ-ын хамтарсан хөрөнгө оруулалтаар Ховд аймагт "ИНГЭНИЙ СҮҮНИЙ ҮЙЛДВЭР" байгуулах "САНАМЖ БИЧИГ"-т гарын үсэг зурлаа. "ИНГЭНИЙ СҮҮНИЙ ҮЙЛДВЭР"-тэй болсноор:

-Тэмээн сүргийн тоо толгой улам бүр өснө,

-Малчид тэмээгээ сургаж уналга, ачилга, саальд өргөнөөр ашиглана, 

-Тэмээнээс авах ашиг шим, үр өгөөж нь илүү нэмэгдэнэ,

-Эрүүл мэндийн ундаа болсон ингэний сүүгээр төрөл бүрийн хүнсний болон биологийн нэмэлт  бүтээгдэхүүн үйлдвэрлэж малчдын орлого нэмэгдэх зэрэг эдийн засгийн олон давуу тал бий болно гэж үзэж байна.