Өнөөдөр /2026.01.29/ аймгийн Хүүхдийн төлөө зөвлөл хуралдлаа.
Хурлаар 2025 онд хийсэн ажлын тайланг хэлэлцэж энэ онд хийж хэрэгжүүлэх ажлын талаар санал солилцов.
Өнгөрсөн онд аймгийн Хүүхэд, гэр бүл, хөгжил хамгааллын газар 350 гаруй гомдол мэдээлэл хүлээн авсны 80 гаруй хувь нь хүүхдийн эрх зөрчигдсөн гомдол байжээ.
Хүүхдийн эрхийн зөрчил хаана түлхүү гарч байгааг судалж илрүүлэн тэдний хамгаалалд түлхүү анхаарч ажилласан. Үүнд нийгмийн ажилтны орон тоог нэмэгдүүлж ажилласны үр дүн гэдгийг албаныхан онцоллоо.
Энэ онд мөн гэр бүл, хүүхэд хөгжил, хамгааллын үйлчилгээ, хүүхдийн сурах, хөгжих орчныг сайжруулахад анхаарахаар төлөвлөж байна.